Solih Uyan: Ruhiyat parhezi

Ushbu kitobda ruhiy salomatlikka erishishdagi chegaralar ko‘rsatilgan. Nima qilish va nima qilmaslik orasida kechuvchi qalb xotirjamligi borasida muallif o‘z fikrlarini bildiradi.

Asar tibbiyot bilan bog‘liqlikda yozilgan. Bashariyat ruhiyatidagi uzoqni ko‘ra olmaslik xastaligi tanamizdagi ko‘z kasalligi - miopiya bilan taqqoslab ochib beriladi. Bunda ko‘zlarga ko‘zoynak yordam berganidek, ruhiyatimiz ham “ko‘zoynakka” muhtojligiga ishora qilinadi. O‘ziga maftunlar o‘z kamchiliklarini ko‘rmasliklari, ko‘rishga urinmasliklari xam ruhiy kasallik ekani aytiladi. Shakl va mazmunni insonlar qabul qilishida shaklga o‘chlik haqida to‘xtalinib, rux va tana munosabatida ham vujud kasalliklari, tanani rivojlantirish, mashq qildirish asosiy o‘ringa chiqib, ruhiy tarbiya, ruhiy muvozanat chetda qolganiga urg‘u beriladi. Yozuvchi o‘lim haqidagi xabarni gazetada o‘qib unchalik taʼsirlanmagani va media vositalar ko‘rsatilganda, video, ovozlar jo‘rligida olgan taassuroti sabab kechasi uxlolmaganini hikoya qiladi. Va mazmun shunchalar shaklga tobe bo‘lib qoldimi degan dolzarb savolni o‘rtaga tashlaydi. Shu o‘rinda o‘quvchi ham o‘yga toladi: insonlar uchun rux birlamchi» mi yoki tana?